Já það er sko óhætt að segja að sumarið sé komið  Bæði er fótboltinn kominn á fullt og svo er veðrið búið að vera rosalegt hérna síðustu daga!

Við Hattarstelpur komumst í úrslit C-deildar lengjubikarsins en töpuðum því miður fyrir Haukum 4-0  Erum svo búnar að spila tvo leiki í deildinni, og að sjálfsögðu búnar að vinna þá báða, og komnar áfram í Visa bikarnum þar sem við keppum við Sindra á föstudaginn. Brjálað að gera!

Annars komu mínir yndislegu bræður í heimsókn til okkar síðustu helgi og fengu að upplifa alvöru sumar hérna á Héraði  Við höfðum það voða gott í sólinni, kíktum upp í sveit og lékum okkur svo í Hallormsstað. Haldin var óformleg keppni í "flottasta stöntið" og voru tvíbbarnir úr Leiðhömrum ótvíræðir sigurvegarar með þetta frábæra stönt

Einar var öruggur í öðru sæti

og ég í því þriðja....held að ég sleppi því að láta mína mynd fylgja með!  hehe..

Gaman að þessu!

Já það lítur út fyrir að þetta blogg sé orðið grobbblogg eins og sumir myndu segja!

Rétt áðan voru Manchester United að tryggja sér sigur í Meistaradeild Evrópu!  

Og þvílík gleði!!! Vorum hérna nokkrar úr fótboltanum + Einar, Zoffi og Halli að horfa á leikinn og ég hef bara sjaldan upplifað annað eins stress  Það var sko hoppað og dansað þegar van der Saar varði frá Anelka...það vantaði bara Ara og þá hefði þetta bara verið árið 1999 all over again!  Sjáumst á næsta ári Tjelskí!

Þvílík hamingja og gleði!  

Fagna í kvöld með góðu djammi í Valaskjálf!

Glory glory MAN.UNITED!!!

Sá þetta á síðunni hans Bjartmars þar sem hann tók Steven Gerrard ofurpúllara fyrir. Þar fannst mér nú ekki vera mikill munur á hliðunum og báðar hliðar bara ágætar. Það sama get ég því miður ekki sagt um argentíska snillinginn Carlos Tevez  Segi bara, sem betur fer tókst honum að meika það á vellinum!

Já hvor hliðin finnst ykkur vera fallegri.....sú vinstri

....sú hægri

.....eða kannski bara framhliðin

En maðurinn er snillingur þannig að who cares!?!

Shiiitt hvað það er langt síðan ég bloggaði síðast!  Svona það helsta sem ég hef gert síðan þá..............

Er búin að fara til Reykjavíkur á 10 ára grunnskóla reunion

Það var ekkert smá gaman að hitta alla aftur..en samt náttúrulega lang skemmtilegast að hitta uppáhalds vini mína, sem ég hef ekki hitt allt of lengi. Svona er þetta þegar maður býr 700km frá öllum!  

Fór til Akureyrar um páskana og var þar í góðu yfirlæti hjá familíunni minni. Renndum okkur á bretti, borðuðum góðan mat og drukkum bjór  Klassi!

Skellti mér til London með mömmu, Begga og Hafdísi síðustu helgi. Æltaði ekkert að versla, en endaði með að kaupa allt of mikið  Fórum í leikhús, á We will rock you, og vááááá hvað það var gaman. Mæli sko með því að skella sér á þessa sýningu ef þú ert á leiðinni til London. Skoðuðum svo borgina úr London eye, sem var alveg frábært. En úfff hvað þetta er samt hátt!

Í gærkvöldi fórum við svo á tónleika á Eskifirði. Þetta er einhver tónleikaferð Rásar 2  -Rokka hringinn- held ég að hún heiti. Benny Crespo's Gang, Sign og Dr. Spock sáu um rokkið ásamt Eskfirskri hljómsveit sem ég man ekki hvað heitir. Þetta var bara helvíti gaman, kom mér skemmtilega á óvart. Æjj ég er líka orðinn svo svakalegur rokkari heheh..

Á morgun er svo fyrsti leikurinn okkar í Lengjubikarnum.Tindastóll verður fyrir barðinu og verður leikurinn í Boganum á Akureyri. Roadtrip!!

En nú er kominn apríl og það þýðir að vorið sé alveg að koma, sem þýðir að sumarið sé alveg að koma, sem þýðir að það er engin afsökun lengur að taka ekki roadtrip austur til mín, sem þýðir gleði, gleði, gleði!

Hlakka til að sjá ykkur, Borgarrotturnar mínar.

Knús og kossar

Nú fer að styttast í Reykjavíkurför mína og ég er að deyja úr spenningi. Líður eins og ég sé að fara á stað sem ég hef aldrei komið á áður..framandi slóðir á suðvestur horninu.

Helgin sem er að líða er búin að vera góð. Ég og Bylgja skelltum okkur til Máneyjar í 'Bandið hans Bubba partý' á föstudaginn. Það var helvíti fínt..sötrað öl, borðað snakk, horft á Bandið og spjallað saman  Svo var það laugardagurinn, vægast sagt mjög skrítin úrslit í ensku bikarkeppninni. United tapaði á móti Portsmouth og Chelsea fetaði í fótspor Liverpool og tapaði fyrir Barnsley. Veit það með vissu að Liverpool aðdáendum er létt. Þeir voru farnir að efast um getu sinna manna, en sáu nú að Barnsley er hreinlega bara svona gott lið! Held alla vega klárlega með þeim í þessari keppni fyrst Man U er dottið út. Væri reyndar gaman fyrir Hemma að lyfta bikarnum þannig að ég vona að það verði Portsmouth - Barnsley í úrslitunum.  Okkur skötuhjúum var síðan boðið í mat til Ágústu og Bigga um kvöldið. Þar fengum við dýrinds svínakjöt og sátum yfir svakalegu bíókvöldi RÚV fram yfir miðnætti. Hefði aldrei trúað því að ég myndi upplifa það að sitja með þremur karlmönnum og horfa á bresku útgáfuna af Öskubusku, bandarísku unglingamyndina She's the man og draugamyndina Ghostship. Hefðum getað toppað þetta kvöld með Amerísku bökunni númer 2 en ákváðum að láta þetta gott heita og brunuðum heim.

Fínasta helgi að baki þrátt fyrir mikla þreytu eftir æfingar helgarinnar. Var svo búin á því eftir æfinguna í dag að ég meikaði ekki að fara á Eskifjörð í afmæli  Var reyndar líka eitthvað slöpp þannig að ég lá bara upp í sófa, algjörlega búin á því!

Annars held ég að þetta sé bara orðið gott í dag. Bristol R. að drulla upp á bak á móti W.B.A og næsta fótboltaleikur að fara að byrja. Ahhh elska helgar

Já það er bara kominn mars! Vá hvað tíminn líður hratt...ég er búin að búa hér fyrir austan í næstum því ár, nánar til tekið í nákvæmlega 9 mánuði  Þetta er sko búinn að vera yndislegur tími, þó svo að ég sakni bæði vina og ættingja alveg ógurlega mikið! Líkar mjög vel í vinnunni, fótboltinn snilld og svo er fjölskyldan hans Einsa náttúrulega alveg frábær  

Jæja nóg af þessu væli....ég skellti mér norður á Akureyri síðustu helgi með Boggu og Bylgju (þær vinna með mér), smá menningarferð. "Brunuðum" norður eftir vinnu á föstudaginn og sýndi ég stelpunum hvernig öryggir ökumenn keyra. Þegar ég fór og sótti lyklana að húsinu spurði Gústi frændi mig hvort ég hefði bakkað alla leiðina, veit ekki alveg hvað hann er að tala um!!!  hehehe... Við komumst alla vega alla leið. Ákváðum að láta nú ekki föstudagskvöldið fara til spillis og skelltum okkur út á lífið. Kvöldið var algjör snilld, þrátt fyrir smá vesen í lokin. Okkur tókst að missa lyklana í leigubilnum á leiðinni í bæinn og vorum því læstar úti kl.5 um morguninn í þvílíkri snjókomu og kulda. Þar sem leigubílakonan var farin heim að sofa og þetta var algjör NEYРgátum við bara ekkert gert nema að hringja í 112. Lögreglan á Akureyri kom eftir smá stund og skrúfaði upp gluggan fyrir okkur og sluppum við því við að sofa úti í þetta skiptið!  Laugardagskvöldið var aðeins rólegra, alla veganna hjá okkur Boggu...Bylgja stóð fyrir sínu!  

Svo fer að koma að Reykjavíkurferð og Londonferð! Vúhú!!!!!!! Nóg að gera í marsmánuði.

Úps komin brunalykt í húsið, kjúllinn að brenna..........

Ég elska þessa krakka á leikskólanum hjá mér. Þetta samtal átti sér stað í dag:

3 ára strákur: "Hvað heitir mamma þín?"

Ég: "Stella"

3 ára strákur: "Hvað heitir strákurinn þinn?"

Ég: "Ég á engan strák og ekki heldur stelpu (og set upp svona smá fýlusvip)"

3 ára strákur: "Ó (mjög leiður á svip). Ég skal bara vera strákurinn þinn."

Ég: "Nei það er ekki hægt. Mamma þín og pabbi eiga þig"

3 ára strákur: "En ef ég fer bara í magann á þér og þú fæðir mig, þá átt þú mig líka"

Ég: "hehe..já en þú ert nú aðeins of stór til þess að komast inn í magann á mér"

3 ára strákur brosir sínu blíðasta: "Nei nei þú ert með svo stóran maga"  

Ohhh þessar elskur!  

Ég bara varð að stela þessu. Sá þetta á einhverri síðu sem ég rakst óvart inn á á daglega bloggrúntinum og ég pissaði næstum á mig úr hlátri